هي
بنت في بداية العشرينات أو ممكن 19 أو 18 سنة ، ممكن برده تكون أوشكت على إنهاء العشرينات
أو حتى بدايات الثلاثينات
المهم انها لسة مدخلتش دنيا .. امال ده كله بتعمل أيه في حياتها لما هي لسة ما دخلتش دنيا .. وكأن الدنيا دي هي الجواز .. وبس
البنت دي
اشكال كتير .. منها فائقة الجمال ، والجميلة ، والمقبولة ،أو العادية زي الناس ما بتحب تقول ، ومنها من لم تؤتى نصيب من الجمال
ممكن تكون متدينة أو لأ
مثقفة أو لأ
البنت دي طبعاً ليها أهل
ممكن يكونوا طيبين .. أو متسلطين
متفهمين .. أو معارضين
إيجابيين أو سلبيين
وطبعاً طبعاً
البنت دي هتقابل في يوم من الأيام
العريس المنتظر
سواء في الشارع أو الجامعة أو الشعل
أو البيت المقابل .. ابن الجيران يعني
أو في الصالون
هو بقى
مناسب .. ولا لأ
متوافقين ولا .. لأ
بيحبها .. ولا نظام صالونات
ابن ناس .. ولا ندل
وطبعاً هو برده عنده أهل
طيبين أو أشرار
هيتعاملوا معاها زي بنتهم ولا كأنها عدو لدود ليهم
ده كله غير القرايب والحبايب والصحاب وزمايل الشغل والناس اللي متعرفوش بيجوا منين .. وكل دول بيتدخلوا في حياتها
حياتها .. اللي هي ملكها لوحدها
***
هي وهو وهما
أحداث إجتماعية واقعية
وطرائف وعجائب وغرائب
خلونا نقرب اكتر من حياة الشباب
ونعرف اي هي أكبر مشكلاتهم وإزاي نحاول نحلها
***
بلا شك
كلنا حاسيين بالمشكلة
تأخر الزواج
ارتفاع نسب الطلاق
التفكك الأسري
***
أيه هو الصح ؟؟
وايه هو النموذج الناجح ؟
*****
كل ده
واكتر
من وجهة نظر
فتاة
انتظرونا
2 شرفوني بتعليقهم:
طبعا المشكله دى كبيره مش للبنات بس
وكمان لاولاد
تلاقى الشاب لسه مخلص دراسه وعنده22 سنه
ويدخل سنه الجيش
ويجى بعد كده على اما يلاقى الوظيفه المناسبه ويشتغل ويكون نفسه يكون خلاص جاب اخره
ويجى يخطب يلاقى ابو العروسه طالب شبكه قد كده وشقه وفرح كبير
ومؤخر عالى
طيب الشاب يجيب دا كله منين
؟؟؟
اللام عليكم
في انتظارك واكيد هتكون من واقع الحياة المر باسلوبك المميز
وحشاني
تحياتي
إرسال تعليق